Өөрөөр хэлбэл эхлээд 6 настангуудад үсэг, үеийг хамгийн түрүүнд нүдлүүлнэ. Дараа нь үсэг, үе нэмдэг. Сүүлд нь үг нэмдэг.

Тус хөтөлбөр нь дараах онцлогтой:

• Давтан уншлагаар холбон дуудах аргыг эзэмшиж чадваржина.
• Үеэр тасалж унших бэрхшээл үүсэхгүй, урсган уншдаг.
• Багшийн ачаалал буурч, дэмжих ажлуудад цаг нэмэгдэнэ.
• Сурагч бие дааж бүтээх, сурахын баяр баясгаланг мэдэрнэ.

1-р ангид минутын хурдан уншлага гэж байдаггүй. Харин ойлгож унших, бичих чадварыг оношилж ахицыг үнэлдэг.

• I анги – Үг унших чадвар
• II анги – Цэг, таслалын дагуу өгүүлбэр унших
• III анги – Эхийн утга санаанд анхаарах
• IV анги – Догол мөрийн утгад анхаарах
• V анги – Ном зохиолын агуулгыг ойлгох

"Холимог бүлгийн хичээл"-ээр 4–5-р ангийн сурагчдыг чадвараар нь бүлэглэн дадлагажуулдаг.

ШУГЗ Ц.Няндаг багшийн үзэл баримтлалын дагуу 2021 оноос 4-р ангид англи хэлийг эхлүүлж, 30 сурагчийг 15/15 бүлгээр долоо хоногт 3 цагаар хичээллэнэ. 3–4-р ангид яриа, сонсголд; 5-р ангид бичгийн чадварт түлхүү анхаарна.

Япон сурах бичгийн туршлагыг түшиглэн пианика, бишгүүр хөгжимтэй хичээллэж, энгийн ноот унших-бичих, дуулах, хөгжимдөх чадварыг хөгжүүлнэ. Жил бүр баталгаажуулах шалгалт өгнө.

2020 онд Боловсрол суваг телевизтэй хамтран бодлогыг контент болгон түгээсэн. II–III ангид 5 өдрийн 3 нь судлагдахуун, 2 нь гэрийн ажил даалгавруудтайгаар оюуны болон биеийн хөдөлмөрийг хослуулна.

Амжилтын баяр нь 6 шат дарааллаар зохион байгуулагдаж, үеэрээ 85%-аас дээш үнэлгээгээр баталгаажсаны дараа эцэг, эхчүүдэд тайлагнах эрхээ авдаг.