1-р ангийн элсэлтийн журам
ЕРӨНХИЙ БОЛОВСРОЛЫН ШИНЭ МОНГОЛ СУРГУУЛИЙН НЭГДҮГЭЭР АНГИД СУРАГЧ ЭЛСҮҮЛЭХ ЭЛСЭЛТИЙН ЖУРАМ
НЭГ. ЕРӨНХИЙ ЗҮЙЛ
2025-2026 оны хичээлийн жилд тус сургуулийн нэгдүгээр ангийн элсэлтийг зохион
байгуулах явцад үүсэх харилцааг зохицуулахад энэхүү журмын зорилго оршино.
Элсэлтийн зохион байгуулалт:
1. Нэгдүгээр ангид сурагч элсүүлэхдээ Шинэ Монгол сургуулийн дүрэм, дотоод журмыг
баримтална.
2. БСШУ-ын сайдын 2019 оны 04 дүгээр сарын 05-ны өдрийн А/200 тоот тушаалыг
үндэслэн 1-р ангийн элсэлтийг “Зургаан настай хүүхдээс аливаа шалгалт, сорил
авахгүйгээр” эцэг эх, хүүхэд, сургуулийн “Хамтарсан уулзалт” ярилцлагыг зохион
байгуулж, сурагчийг элсүүлнэ.
3. 2019 оны 01 дүгээр сарын 01-нээс 12 дугаар сарын 31-ний хооронд төрсөн хүүхэд
“Хамтарсан уулзалт”-д орно.
4. “Хамтарсан уулзалт” ярилцлагын асуулт хариулт зөвхөн монгол хэлээр явагдах ба
хөндлөнгийн комиссын боловсруулсан үнэлгээний аргачлалын дагуу дүгнэнэ.
5. “Хамтарсан уулзалт”-д хүүхэд өөрөө заавал орох бөгөөд хүүхдийн эцэг эх, асран
хамгаалагчийн төлөөлөл болох насанд хүрсэн хоёр хүн оролцоно.
6. “Хамтарсан уулзалт” ярилцлагын үр дүнгээр 72 хүүхдийг элсүүлнэ.
Элсэлтийн бүртгэл:
1. Элсэлтийн бүртгэлийн хугацаа 2025 оны 03 дугаар сарын 12-ны өдрийн 09:00 цагаас
03 дугаар сарын 19-ний өдрийн 16:00 цаг хүртэл байна.
2. Бүртгэлийг цахимаар хийх тул http://admission.shinemongol.edu.mn/ цахим хаягаар
нэвтэрч бүртгүүлнэ.
3. Хүүхдийн овог нэр, регистрийн дугаарыг кирил үсгээр алдаагүй зөв оруулна.
4. Хүүхдийн сүүлийн 3 сард авхуулсан цээж зургийг бүртгэлийн системд оруулахдаа
хүүхдийн регистрийн дугаараар нэр өгнө /jpeg, png, jpg өргөтгөлтэй байх/
5. Хүүхдийн эцэг эх, асран хамгаалагч нь өөрийн и-мэйл хаяг, холбоо барих утасны
дугаарыг заавал бичнэ.
6. Бүртгүүлсэн хүүхэдтэй ярилцлагад хамт оролцох хүмүүсийн талаар бүртгэлийн
системд тохирох сонголтыг заавал хийнэ.
7. Хүүхдийн эцэг эх, асран хамгаалагч нь доорх асуултад дэлгэрэнгүй хариулан бичиж,
бүртгэлийн системд word эсвэл pdf файлаар оруулна. Асуултын хариултыг
оноожуулахгүй бөгөөд зөвхөн хүүхдээ Шинэ Монгол сургуульд оруулах чин хүсэлтэй
эсэхийг харгалзан оноо тэнцсэн тохиолдолд шийдвэрлэх үүднээс хүлээн авна.
Та дараах асуултад хариулна уу?
A. Та хүүхдийнхээ зан төлөвшил, авьяас чадварын онцлогийг бичнэ үү. Хүүхдийн
тань эдгээр онцлогт танай гэр бүлийн ямар үнэт зүйл, хүмүүжлийн арга
барил нөлөөлсөн гэж үзэж байна вэ?
B. Та Шинэ Монгол сургуулийн юуг нь онцолж, сонгох болсон бэ? Манай
сургуулийн бодлого танай гэр бүлийн хүүхэд хүмүүжлийн ямар зарчимтай
нийцэж буй гэж үздэг вэ?
8. Бүртгэлийн хураамж 40000 /дөчин мянга/ төгрөгийг /admission.shinemongol.edu.mn/
хаягаар орж, QPAY үйлчилгээг ашиглан, QR код уншуулан бүх банкны аппликейшнаар
төлнө. Бүртгэлийн хураамж төлөх зааврыг бүртгэлийн нүүр хуудаснаас үзнэ.
9. Хүүхдийн регистрийн дугаараар цахим бүртгэлд нэг л удаа бүртгүүлэх боломжтой ба
регистрийн дугаарийг үнэн зөв, алдаагүй бичсэн тохиолдолд бүртгэл хүчинтэйд
тооцогдоно.
10. Ерөнхий боловсролын Шинэ Монгол сургууль, Шинэ Монгол Харүмафүжи сургуулийн
аль нэгийг сонгож бүртгүүлнэ. Хоёр сургуулийн бүртгэл, ярилцлага зэрэг зохион
байгуулагдах тул давхар бүртгүүлсэн тохиолдолд аль сүүлд бүртгүүлснээр нь бүртгэл
хийгдэхийг анхаарна уу.
11. Бүртгэл амжилттай болсон тохиолдолд цахим бүртгэлийн системд нэвтэрч
ярилцлагатай холбоотой аливаа мэдээллийг шуурхай авах эрх үүснэ.
12. Цахим бүртгэл хаагдсаны дараа 2025 оны 03 дугаар сарын 20-ны өдрийн 09:00 цагаас
хойш дараах мэдээллийг бүртгэлийн хуудаснаас харах боломж нээгдэнэ. Цахим
хаягаар дараах мэдээллүүд очно.
● Бүртгэлийн дугаар
● Эцэг эх, асран хамгаалагчдад зориулсан “Хамтарсан уулзалт”-ын талаарх чиглүүлэг,
цахим уулзалтын цагийн хуваарь
● “Хамтарсан уулзалт” ярилцлагад орох цагийн хуваарь
● Цахим уулзалтын үед анхаарах болон бэлдэх зүйлсийн жагсаалт
● Уулзалт, ярилцлагын холбоосууд
ХОЁР. “ХАМТАРСАН УУЛЗАЛТ” ЯРИЛЦЛАГЫН ЗОХИОН БАЙГУУЛАЛТ
1. “Хамтарсан уулзалт”-ын талаар чиглүүлэг өгөх цахим уулзалтыг “ZOOM” аппликейшн
ашиглан 03 дугаар сарын 21-ний өдөр зохион байгуулна.
2. “Хамтарсан уулзалт” ярилцлагыг сургууль дараах байдлаар зохион байгуулна.
а. “Хамтарсан уулзалт” ярилцлагыг 2025 оны 03 дугаар сарын 22-ны өдөр зохион
байгуулна.
б. “Хамтарсан уулзалт” ярилцлагыг “ZOOM” аппликейшн ашиглан цахимаар
явуулна.
в. “Хамтарсан уулзалт” ярилцлагын үргэлжлэх хугацаа нэг хүүхэд 12 минут байна.
3. Эцэг эхийн зүгээс ярилцлагад оролцоход анхаарах зүйлс:
а. Ярилцлагын хуваарийн дагуу холбоосоор хоцрохгүй орж, ерөнхий мэдээллийг
нягтлан, техник хэрэгслийн бэлэн байдлыг шалган, туршиж үзсэн байх;
б. Ярилцлагын үеийн техникийн /компьютер, камер, чихэвч, микрофон,
интернэтийн хурд/ саадгүй ажиллагааг бүрэн хангах, урьдчилан “ZOOM”
аппликейшн татаж суулгасан байх;
в. Ярилцлагын үед орчны дуу чимээг хязгаарласан байх;
г. “Хамтарсан ярилцлага”-д орохоор цахим бүртгэлд бүртгүүлсэн эцэг эх, асран
хамгаалагчаас бусад хүн “Хамтарсан ярилцлага”-д орохгүй. Хүндэтгэн үзэх
шалтгаанаар өөрчлөгдөх тохиолдолд бүртгэл хаагдахаас өмнө урьдчилан бичгээр
хүсэлт ирүүлж шийдүүлсэн байна.
4. “Хамтарсан уулзалт” ярилцлагын дүнг мэдээлэх:
а. 2025 оны 03 дугаар сарын 25-ны өдрийн 09:00 цагт гаргаж, бүртгүүлэгчийн
бүртгэлийн хуудсанд элсэх эрх олгосон эсэх тухай мэдээллийг илгээн, сургуулийн
www.shinemongol.edu.mn хаяг болон “Шинэ Монгол сургууль” фэйсбүүк хуудсанд
нэгдсэн мэдээг байршуулна.
б. “Хамтарсан уулзалт” ярилцлагаар элсэх эрх авсан хүүхэд, тэдний эцэг эх, асран
хамгаалагчид 2025 оны 03-р сарын 26-ны өдрийн 11:00-18:00 цагт хуваарийн дагуу
элсэгчийн батламжийг гардуулж өгнө.
ГУРАВ. ХҮЛЭЭХ ХАРИУЦЛАГА БОЛОН БУСАД
1. Цахим бүртгэл болон “Хамтарсан уулзалт” ярилцлагын үеэр үүсэх аливаа асуудал,
санал гомдлыг сургууль бие даан шийдвэрлэнэ.
2. “Хамтарсан уулзалт”-ын цагаас хоцорсон тохиолдолд дахин орох боломжгүй тул эцэг
эх, асран хамгаалагчид хувийн бэлтгэлийг бүрэн хангасан байна.
3. “Хамтарсан уулзалт” ярилцлагын үед ярилцсан агуулгыг задруулахгүй байхыг сургууль
болон эцэг эх бүрэн хариуцна.
4. Эцэг эх, асран хамгаалагчид “Хамтарсан уулзалт”-ын үед чиглүүлэгч багш, ажилтны
шаардлага, зөвлөгөөг хүндэтгэн мөрдөнө.
5. Эцэг эх, асран хамгаалагчид “Хамтарсан уулзалт” ярилцлагын явцад зөвшөөрөлгүй
бичлэг хийх, зураг авах, өөрсдийн ярилцлагын талаар үндэслэлгүй ташаа мэдээллийг
цахим хуудсаар тараах, сургуулийн нэр хүндэд халдах, багш ажилтныг хэл амаар
доромжлох, харилцаа, хандлагын зохисгүй байдал гаргахгүй байна.
6. Сургуулийн зүгээс үүссэн техникийн аливаа саатлыг богино хугацаанд түргэн, шуурхай
шийдвэрлэнэ.
7. Цахим бүртгэлтэй холбоотой яаралтай асуух зүйлээ 10:00-17:00 цагийн хооронд
80737052 дугаарт холбогдож, мэргэжлийн зөвлөгөөг авч болно.
8. “Хамтарсан уулзалт” ярилцлагатай холбоотой дэлгэрэнгүй мэдээллийг 10:00-17:00
цагийн хооронд 80767052 дугаараас лавлаж болно.
9. “Хамтарсан уулзалт” ярилцлагын талаарх санал хүсэлтийг 03-р сарын 25-ны өдрийн
16:00 цаг хүртэл school@shinemongol.edu.mn хаягаар хүлээн авна.
ЕРӨНХИЙ БОЛОВСРОЛЫН ШИНЭ МОНГОЛ СУРГУУЛЬ
10-р ангийн элсэлтийн журам
2024-2025 ОНЫ ХИЧЭЭЛИЙН ЖИЛД ЕРӨНХИЙ БОЛОВСРОЛЫН ШИНЭ МОНГОЛ СУРГУУЛИЙН 10 ДУГААР АНГИД СУРАГЧ ЭЛСҮҮЛЭХ УДИРДАМЖ
ЗОРИЛГО: Өөрийн суралцах зорилгыг Ерөнхий боловсролын Шинэ Монгол сургууль (ЕБШМС)-ийн бодлого, зорилготой нэгтгэн, сорилтыг даван туулж, амжилтад хүрэх хүсэл, эрмэлзэлтэй сурагчдад боломж олгох үүднээс 10 дугаар ангийн элсэлтийн үйл ажиллагааг зохион байгуулахад оршино.
ЭЛСЭХ СУРАГЧДАД ТАВИХ ШААРДЛАГА, ХЯНАЛТЫН ТОО:
2023-2024 оны хичээлийн жилд ЕБС-ийн 9 дүгээр ангийг төгсөж, суурь боловсрол эзэмшигчдээс 20 сурагч элсүүлж, 2024-2025 оны хичээлийн жилд ЕБШМС-ийн 10 дугаар ангид суралцуулна.
ЭЛСЭГЧДЭД ҮЗҮҮЛЭХ ДЭМЖЛЭГ:
Элсэлтийн шалгалтын үр дүнгээр хяналтын тоонд багтаж, 10-р ангид суралцах болзол хангасан сурагчид дараах төрлийн сургалтын төлбөрийн хөнгөлөлт эдлүүлнэ. Үүнд:
- Математик, хими, физик, биологийн судлагдахууны аль нэгээр УЛСЫН төрөлжсөн олимпиадын медальт байрын шагналтай бол 2024-2025 оны хичээлийн жилийн сургалтын төлбөрөөс 100 хувийн хөнгөлөлт;
- Математик, хими, физик, биологийн судлагдахууны аль нэгээр АЙМАГ/НИЙСЛЭЛИЙН төрөлжсөн олимпиадын медальт байрын шагналтай бол 2024-2025 оны хичээлийн жилийн сургалтын төлбөрийн 50 хувийн хөнгөлөлт;
ЗОХИОН БАЙГУУЛАЛТЫН ТОЙМ МЭДЭЭЛЭЛ
№ | Зохион байгуулалт | Хугацаа | Хэлбэр |
1 | Зар мэдээллийг олон нийтэд хүргэх | 5 сарын 10-наас | цахим сувгаар |
2 | Элсэхийг хүсэгчдийг бүртгэх | 6 сарын 3-наас 6 сарын 12 | цахимаар |
3 | Бичгийн шалгалт зохион байгуулах | 6 сарын 15 | танхимаар |
4 | Бичгийн шалгалтын дүн гаргах, шалгуулагчдад мэдээлэл хүргэх | 6 сарын 15 | цахимаар |
5 | Бичгийн шалгалтад тэнцсэн сурагчдаас ярилцлагын шалгалт авах | 6 сарын 16 | танхимаар |
6 | Ярилцлагын шалгалтын дүн гаргаж, тэнцсэн сурагчдад мэдээлэл хүргэх | 6 сарын 16 | цахимаар |
7 | Элсэх болзол хангасан сурагчдад батламж гардуулах | 6 сарын 17 | биечлэн |
8 | Элсэх болзол хангасан сурагчдын эцэг эхтэй гэрээ байгуулах | 6 сарын 17-21 | биечлэн |
ЭЛСЭЛТИЙН БҮРТГЭЛ:
1. Элсэхийг хүсэгчдийг 2024 оны 06 сарын 03-ны өдрийн 16:00 цагаас 06 сарын 12-ны өдрийн 16:00 цагийг дуустал http://202.21.114.244/shinemongol-10/ цахим хаягаар бүртгэж, бүртгэлийн дугаар олгох ба бүртгүүлэгч нь регистрийн дугаараар цахим бүртгэлд зөвхөн нэг удаа хандах боломжтой.
2. Элсэхийг хүсэгч нь доорх асуулт тус бүрд дэлгэрэнгүй хариулж, word эсхүл pdf файлаар бүртгэлийн системд оруулна. Асуултын хариултыг оноогоор дүгнэхгүй ба хүүхдийн хүсэл, эрмэлзлийг тодруулах үүднээс хүлээн авна.
Асуулт:
- Чиний хүсэл, мөрөөдөл, зорилго юу вэ? Чи зорилгынхоо төлөө юу хийдэг вэ?
- Чиний давуу болон сул тал юу вэ? Өөрийн давуу болон сул талаасаа шалтгаалж, амжилт эсвэл бүтэлгүйтэлд орж байсан тохиолдлоо хуваалцана уу?
- Чи хамгийн сүүлд уншсан номоо нэрлэнэ үү. Яагаад тухайн номыг унших болсон бэ? Тухайн номоос юуг ойлгож авсан бэ?
- Чи Шинэ Монгол сургуулийн юуг нь онцолж, сонгох болсон бэ?
- Сурлага, урлаг, спортын чиглэлээр ЗӨВХӨН 9-р ангид гаргасан амжилтаа бичээрэй.
3. Бүртгүүлэгчийн овог нэр, регистрийн дугаарыг кирил үсгээр алдаагүй бичнэ.
4. Бүртгүүлэгчийн цээж зургаа JPEG, PNG, JPG өргөтгөлөөр оруулах бөгөөд зурган файлыг сурагчийн нэрээр нэрлэсэн байна.
5. Бүртгэлийн хураамж 40,000 төгрөгийг http://202.21.114.244/shinemongol-10/ хаягаар орж, QРАҮ үйлчилгээг ашиглан, QR код уншуулан төлнө.
6. Бүртгэлтэй холбоотой зохицуулалтыг бүртгүүлсэн e-mail хаягаар илгээх тул тогтмол ашигладаг e-mail хаяг, холбоо барих утасны дугаарыг заавал бичнэ.
7. Бүртгэл амжилттай болсноор бүртгүүлэгч цахим бүртгэлийн системд нэвтрэх эрхтэй болох бөгөөд 2024 оны 06 сарын 14-ний өдрийн 16:00 цагт бүртгэлийн системд шалгалт өгөх анги, суудлын дугаар тавигдсан байна.
ЭЛСЭЛТИЙН ШАЛГАЛТЫН АГУУЛГА, ХЭЛБЭР, ЗОХИОН БАЙГУУЛАЛТ:
- Шалгалт нь БШУЯ-наас баталсан суурь боловсролын шинэчилсэн хөтөлбөрийн үндсэн агуулгын хүрээнд байна.
- Элсэлтийн шалгалтыг бичгийн болон ярилцлагын хэлбэрээр танхимаар зохион байгуулна.
- Шалгалтын нийт дүнгийн 80 хувийг бичгийн шалгалтаар, 20 хувийг ярилцлагын шалгалтаар тооцно.
- Бичгийн шалгалтыг 150 минутын хугацаанд дараах 5 хичээлийн нэгдмэл агуулгаар авч, оноожуулна. Үүнд:
a. Математик 40 оноо b. Монгол хэл 15 оноо c. Англи хэл 15 оноо d. Хими 15 оноо e. Физик 15 оноо
- Бичгийн шалгалтын гүйцэтгэлийн хувиар эхний 30 сурагчидтай ярилцлагын шалгалт зохион байгуулна.
- Шалгалтад ирэхдээ бүртгэлийн системээс бүртгэлийн хуудсаа хэвлэж авчрах ба шалгалт эхлэхээс 10 минутын өмнө шалгалт өгөх ангид ирсэн байна.
ЭЛСЭЛТИЙН ШАЛГАЛТЫН ХУГАЦАА:
- Бичгийн шалгалтыг 2024 оны 06 сарын 15-нд 10:00-12:30 цагийн хооронд зохион байгуулна.
- Бичгийн шалгалтын гүйцэтгэлийн хувиар эхний 30 сурагчидтай 2024 оны 06 сарын 16-нд 09:00-13:00 цагийн хооронд ярилцлагын шалгалт зохион байгуулна. Ярилцлагын шалгалтын хуваарийг цахим бүртгэлийн систем болон e-mail хаягаар илгээнэ.
ДҮН МЭДЭЭ:
- Бичгийн шалгалтын дүнг 2024 оны 06 сарын 15-ны 19:00 цагт багтаан бүртгэлийн дугаараар нь "Шинэ Монгол сургууль" фэйсбүүк хуудас болон цахим бүртгэлийн системээр мэдээлнэ.
- Ярилцлагын шалгалтын дүнг 2024 оны 06 дугаар сарын 16-ны өдрийн 16:00 цагт багтаан цахим бүртгэлийн систем болон бүртгүүлсэн e-mail хаягаар илгээнэ.
- Элсэлтийн шалгалтад тэнцсэн сурагчид эцэг эхийн хамт 2024 оны 06 сарын 17-ны өдөр элсэн суралцах батламжийг сургуулийн захирлаас гардан авна. Батламж олгох цагийн хуваарийг цахим бүртгэлийн системд байршуулна.
ХОЛБОО БАРИХ: Сургуулийн утас 7777-5599
Элсэлттэй холбоотой асуултыг 80287052
Цахим бүртгэлтэй холбоотой асуултыг 80280591
Элсэлтийн үйл ажиллагаатай холбоотой санал, хүсэлт, өргөдлийг
хаягаар тус тус хүлээж авна.
67-р ангийн элсэлтийн журам
2023-2024 ОНЫ ХИЧЭЭЛИЙН ЖИЛД ЕРӨНХИЙ БОЛОВСРОЛЫН ШИНЭ МОНГОЛ СУРГУУЛИЙН 6, 7ДУГААР АНГИД СУРАГЧ ЭЛСҮҮЛЭХ УДИРДАМЖ
ЗОРИЛГО: Өөрийн суралцах зорилгыг Ерөнхий боловсролын Шинэ Монгол сургууль (ЕБШМС)-ийн бодлого, зорилготой нэгтгэн, сорилтыг даван туулж, амжилтад хүрэх хүсэл, эрмэлзэлтэй сурагчдад боломж олгох үүднээс 6, 7 дугаар ангийн элсэлтийн үйл ажиллагааг зохион байгуулахад оршино.
ЭЛСЭХ СУРАГЧДАД ТАВИХ ШААРДЛАГА, ХЯНАЛТЫН ТОО:
Анги | 6-р анги | 7-р анги |
Элсэгчдэд тавигдах шаардлага | 5-р анги төгссөн байх | 6-р анги төгссөн байх |
Элсүүлэх сурагчийн тоо | 25 сурагч | 25 сурагч |
ЗОХИОН БАЙГУУЛАЛТЫН ТОЙМ МЭДЭЭЛЭЛ
№ | Зохион байгуулалт | Хугацаа | Хэлбэр |
1 | Зар мэдээллийг олон нийтэд хүргэх | 5 сарын 17-ноос | цахим суваг |
2 | Элсэхийг хүсэгчдийг бүртгэх | 5 сарын 20-ноос 6 сарын 08 | онлайн |
3 | Бичгийн шалгалт зохион байгуулах | 6 сарын 10 | танхим |
4 | Шалгалтын дүн гаргах, шалгуулагчдад мэдээлэл хүргэх | 6 сарын 11 | цахимаар |
5 | Элсэх болзол хангасан сурагчдад батламж гардуулах | 6 сарын 12 | биечлэн |
6 | Элсэх болзол хангасан сурагчдын эцэг эхтэй гэрээ байгуулах | 6 сарын 12-16 | биечлэн |
ЭЛСЭЛТИЙН БҮРТГЭЛ:
- Элсэхийг хүсэгчдийг 2023 оны 05 сарын 20-ны өдрийн 16:00 цагаас 06 сарын 08-ны өдрийн 16:00 цагийг дуустал http://202.21.114.244/shinemongol-dund/цахим хаягаар бүртгэж, бүртгэлийн дугаар олгох ба бүртгүүлэгч нь регистрийн дугаараар цахим бүртгэлд зөвхөн нэг удаа хандах боломжтой.
- Бүртгүүлэгчийн овог нэр, регистрийн дугаарыг кирил үсгээр алдаагүй бичнэ.
- Бүртгүүлэгчийн цээж зургийг JPEG, PNG, JPG өргөтгөлөөр оруулах бөгөөд зурган файлыг сурагчийн нэрээр нэрлэсэн байна.
- Бүртгэлийн хураамж 15’000 төгрөгийг http://202.21.114.244/shinemongol-dund/ хаягаар орж QРАҮ үйлчилгээг ашиглан, QR код уншуулан төлнө. Голомт банкаар тооцоо хийх боломжгүйг анхааруулж байна.
- Бүртгэлтэй холбоотой зохицуулалтыг бүртгүүлсэн e-mail хаягаар илгээх тул тогтмол ашигладаг e-mail хаяг, холбоо барих утасны дугаарыг заавал бичнэ.
- Бүртгэл амжилттай болсноор бүртгүүлэгч цахим бүртгэлийн системд нэвтрэх эрхтэй болох бөгөөд 06сарын 09-ний өдрийн 16:00 цагт бүртгэлийн системд шалгалт өгөх анги, суудлын дугаар тавигдсан байна.
ЭЛСЭЛТИЙН ШАЛГАЛТЫН АГУУЛГА, ХЭЛБЭР, ЗОХИОН БАЙГУУЛАЛТ:
- Шалгалт нь БШУЯ-наас баталсан математик, монгол хэлний хичээлийн бага болон суурь боловсролын шинэчилсэн хөтөлбөрийн үндсэн агуулгын хүрээнд байна.
- Элсэлтийн шалгалтыг 2023 оны 06 сарын 10-нд 10:00-12:00 цагийн хооронд танхимаар зохион байгуулна. Үүнд:
Анги | Шалгалт авах хичээл | Шалгалтын хугацаа | Шалгалтын дээд оноо |
6-р анги | Монгол хэл | 40 минут | 30 |
Математик | 60 минут | 70 | |
7-р анги | Монгол хэл | 40 минут | 30 |
Математик | 60 минут | 70 |
3. Шалгалтад ирэхдээ бүртгэлийн системээс бүртгэлийн хуудсаа хэвлэж авчрах ба шалгалт эхлэхээс 10 минутын өмнө шалгалт өгөх ангид ирсэн байна.
4. Монгол хэл, математикийн шалгалтын нийлбэр дүн, гүйцэтгэлийн хувиар шалгуулагчдыг эрэмбэлж, анги тус бүрд эхний 25 сурагчид элсэн суралцах эрх олгоно.
ДҮН МЭДЭЭ:
- Шалгалтын дүнг 2023 оны 06 сарын 11-ний 10:00 цагт багтаан бүртгэлийн дугаараар нь "Шинэ Монгол сургууль" фэйсбүүк хуудас болон цахим бүртгэлийн системээр мэдээлнэ.
- Шалгалтад тэнцсэн сурагчид эцэг эхийн хамт 2023 оны 06 сарын 12-ны өдөр элсэн суралцах батламжийг сургуулийн захирлаас гардан авна. Батламж олгох хуваарийг цахим бүртгэлийн системд байршуулна.
ХОЛБОО БАРИХ: Сургуулийн утас 7777-5599
Элсэлттэй холбоотой асуултыг 80967787
Цахим бүртгэлтэй холбоотой асуултыг 99012097
Элсэлтийн үйл ажиллагаатай холбоотой санал, хүсэлт, өргөдлийг school@shinemongol.edu.mn хаягаар тус тус хүлээж авна.
СУРГУУЛИЙН ЗАХИРГАА